હસું છું એટલે

હસું છું એટલે માની ન લેશો કે સુખી છું હું,
રડી શક્તો નથી એનું મને દુઃખ છે, દુઃખી છું હું;
દબાવીને હું બેઠો છું જીવનના કારમા ઘાવો,
ગમે ત્યારે ફાટી જાઉં એ જવાળામુખી છું હું.
-: શેખાદમ આબુવાલા

પ્યારની રંગીન લત

પ્યારની રંગીન લત મોંઘી પડી, આગ સાથેની રમત મોંઘી પડી.
જીતતાં જીતાઈ ગઈ બાજી બધી,એક આ દીલની લડત મોંઘી પડી.
જીંદગીના રંગ સૌ રુઠી ગયા, બુધ્ધીની આ આવડત મોંઘી પડી.
બાગમાં આવો, રહો,પણ બે ઘડી,માળીની બસ આ શરત મોંઘી પડી.
પ્રાણ લઈ આવ્યા અને દઈને ગયા,તારી કીમત ઓ જગત મોંઘી પડી
-: શેખાદમ આબુવાલા