લખું ઝાકળથી પત્ર

લખું ઝાકળથી પત્ર પણ તમે તડકામાં ખોલો તો?
સંબોધું તમને "મારા વાહલા" થી, તો પણ તમે ના સમજો તો ?
વર્ણવું મારી લાગણીઓ ને શબ્દો થકી, પણ તમે અલંકારીક ભાષા સમજો તો ?
લખું ઝાકળથી પત્ર પણ તમે તડકામાં ખોલો તો?

ઝંખુ તને હું ક્ષણેક્ષણ - પળેપળ, પણ તમે પાગલપણ સમજો તો ?
આખા દિવસનો હું મારો હિસાબ મોકલું, પણ તમે રોજનીશી સમજો તો ?
લખું ઝાકળથી પત્ર પણ તમે તડકામાં ખોલો તો?

મોકલું મારી એકલતા SMS થી, પણ તમે BLANK SMS સમજો તો ?
વિસ્તારૂં તને હું કાગળ ઉપર, પણ તમે મને કવિયત્રી સમજો તો ?
લખું ઝાકળથી પત્ર પણ તમે તડકામાં ખોલો તો?
-: લજામણી