હજી આંખમાં જાણે ફરકે છે કોઇ

હજી આંખમાં જાણે ફરકે છે કોઇ
હજી મીઠું શરમાઇ મરકે છે કોઇ
વિખૂટાં પડ્યાં તોયે લાગે છે 'ઘાયલ'
હજી પણ રગેરગમાં સરકે છે કોઇ

કહેવાય નહી

મન મરણ પહેલા મરી જાય તો કહેવાય નહીં
વેદના કામ કરી જાય તો કહેવાય નહીં

આંખથી અશ્રુ ખરી જાય તો કહેવાય નહીં
ધૈર્ય પર પાણી ફરી જાય તો કહેવાય નહીં

એની આંખોને ફરી આજ સુઝી છે મસ્તી
દીલ ફરી મુજથી ફરી જાય તો કહેવાય નહીં

આંખનો દોષ ગણે છે બધા દીલને બદલે
ચોર નિર્દોષ ઠરી જાય તો કહેવાય નહીં

શોક્નો માર્યો તો મરશે ન તમારો “ઘાયલ”
ખુશીનો માર્યો મરી જાય તો કહેવાય નહીં
-: અમૃત ઘાયલ

હું ય વરસ્યો છુ જીવનમાં....

શબ્દની આરપાર જીવ્યો છું
હું બહું ધારદાર જીવ્યો છું

સામે પુરે ધરાર જીવ્યો છું
વિષ મહી નિર્વિકાર જીવ્યો છું

ખુબ અંદર બહાર જીવ્યો છું
ઘૂંટે ઘૂંટે ચિક્કાર જીવ્યો છું

મધ્યમાં જીવવુ જ ના ફાવ્યુ
હું સદા બારોબાર જીવ્યો છું

મંદ ક્યારેય ન થઇ મારી ગતિ
આમ બસ મારમાર જીવ્યો છું

આભ ની જેમ વિસ્તર્યો છું
સતત અબ્ધી પેઠે અપાર જીવ્યો છું

બાગેતા બાગ સુર્યની પેઠે
આગમાં પૂરબહાર જીવ્યો છું

હું ય વરસ્યો છુ જીવનમાં
હું ય બહુ ધોધમાર જીવ્યો છું

આમ ઘાયલ છુ, અદનો શાયર પણ
સર્વથી શાનદાર જીવ્યો છું...

અમે ધારી નહોતી એવી અણધારી કરી લીધી

અમે ધારી નહોતી એવી અણધારી કરી લીધી
અજાણી આંખડીની ચોટ ગોજારી કરી લીધી

મને કાઈ વાતતો કરવી હતી અલગારી મન મારા
વળી કોના થકી તે પ્રીત પરબારી કરી લીધી.

ઘડીઓ આ જુદાઈની અને તે પણ જવાનીમાં
અમે આ પણ સહન તલવાર બેધારી કરી લીધી

કસુંબલ આખડીના આ કસબની વાત શી કરવી
કલેજુ કોતરી નાજુક મીનાકારી કરી લીધી

હવે મીત્રો ભલે ગુસ્સો ગઝલ પર ઠાલવે ઘાયલ
અમારે વાત બે કરવી હતી ત્યારી કરી લીધી
-: અમ્રુત ઘાયલ


More complete version.
I am not sure which one is in correct order and which is correct.
But this second version seems complete.

અમે ધારી નહોતી એવી અણધારી કરી લીધી,
અજાણી આંખડીએ ચોટ ગોઝારી કરી લીધી.

કોઈનાથી અમે બે વાત શું પ્યારી કરી લીધી!
જવાનીમાં મરણની પૂર્વતૈયારી કરી લીધી.

અમે મગરૂર મનને મારી લાચારી કરી લીધી,
કરી લીધી જીવન તારી તરફદારી કરી લીધી.

ઘડીઓ આ જુદાઈની અને તે પણ જવાનીમાં?
અમે આ પણ સહન તલવાર બેધારી કરી લીધી.

મને કંઈ વાત તો કરવી હતી અલગારી મન મારા,
વળી કોના થકી તેં પ્રીત પરબારી કરી લીધી!

ભલે એ ના થયાં મારાં, ભલા આ સ્નેહ શું કમ છે?
ઘડીભર સાથ બેસી વાત બે પ્યારી કરી લીધી.

કસુંબલ આંખડીના આ કસબની વાત શી કરવી?
કલેજું કોતરી નાજુક મીનાકારી કરી લીધી.

મઝાની ચાંદનીમાં નોતરી બેઠા ઉદાસીને,
અમે હાથે કરીને રાત અંધારી કરી લીધી.

તારી યાદ આવે તો છે

તુ ન આવે છો ન આવે તારી યાદ આવે તો છે.
એ અચાનક આવી મારુ દ્વાર ખખડાવે તો છે.

તુજને મારી સાથે ન ફાવ્યુ તો નથી તલભાર રંજ
ખુશ છુ બીજા સાથે તુજને આજ બહુ ફાવે તો છે.

ખોઇ બેઠો છુ હુ તારી ઝુલ્ફની ખુશ્બુ છતા
કલ્પનામાં ખુશ્બુ આવી મુજને ખુશ્બાવે તો છે.

આપણી વચ્ચે કદી કેવો સરસ નાતો હતો
કમ સે કમ એ યાદ આવી મુજને હરખાવે તો છે.

બીજુ "ઘાયલ" શુ કરે તારા ઉપરથી ઓળધોળ
દેહમાં છે પ્રાણ બાકી પ્રાણ લઇ આવે તો છે.
-: અમૃત ઘાયલ