રાત્રીના સ્વપ્નની યાદ

રાત્રીના સ્વપ્નની યાદ સવારે ના આવે તો સારું,
તમારી આ ફરીયાદ અત્યારે ના આવે તો સારું.

ફૂલોનું અનુપમ સૌંદર્ય જોઇને મને થાય છે કે,
આ જીવનમાં પાનખર ના આવે તો સારું.

ડૂબી જવા માટે આ તોફાની દરિયામાં પડ્યો છું,
હવે આ શરીર કિનારે ના આવે તો સારું.

વેદનામાં તડપતો માનવી બોલી ઉઠે છે કે,
હવે કોઇ દિલાસો આપવા ના આવે તો સારું.

હવે તો આ દિલ પણ બોલી ઉઠ્યું છે કે,
તું હવે ક્યારેય ના આવે તો સારું.