તમારુ સ્મરણ છે તમારાથી પ્યારુ

પ્રીતીનુ પુષ્પ ખીલે છે ઘડી ભરની જુદાઇમાં
અજંપો લાગતો મીઠો મીઠો પ્રીતની સગાઈમાં

આવો તોય સારુ ના આવો તોય સારુ
તમારુ સ્મરણ છે તમારાથી પ્યારુ

આવોને જાવો તમે ઘડી અહી ઘડી તહી
યાદતો તમારી વીતી અહીની અહી રહી
મોઘું તમારાથી સપનુ તમારુ
તમારુ સ્મરણ છે તમારાથી પ્યારુ

મિલનમાં મજાશું મજા ઝુરવામાં
બનીને શમાના પતંગો થવામાં
માને ના મનાવ્યુ મારુ હૈયુ નઠારુ
તમારુ સ્મરણ છે તમારાથી પ્યારુ

-: અવિનાશ વ્યાસ